জলঙা

জলঙা

খকমককৈ যেতিয়া

এদিন সাৰ পাই উঠিবা

তোমাৰ বন্ধ কুঠৰীত ,

পৃথিৱীখন এটা সৰু গোলক

হৈ যোৱা সপোনটোৰ কথা ভাবি

হয়তো তুমি ঘামি উঠিবা  !

বহুদিন নোখোলা খিৰিকীখনৰ

সিপাৰৰ পোহৰবোৰে

অহৰহ খুন্দিয়াইছে

আয়্নাৰ ধূলি তৰপ ;

এয়া বন্ধ কোঠা নে তোমাৰ  বুকুৰ  স্পন্দন  ?

কৰবাৰ ৰ’দৰ টুকুৰা এটা

ছিটিকি আহি যদি হঠাত

খিৰিকীত উয়ে কুটা ফুটাটোৰে

সোমাই আহে ,

অকণমান সাহস কৰি খিৰিকীখন

খুলি চাবা ,

কিজানিবা আকৌ নিজৰ প্ৰেমত পৰা  !!!!

শিয়ালৰ সভা

শিয়ালৰ সভা

হাবিত আজি আড়ম্বৰ ,

শিয়ালৰ সভা বহিছে ।

শিয়ালেই ৰজা,শিয়ালেই প্ৰজা ।

ৰঙা শিয়াল, বগা শিয়াল ,

কণা শিয়াল ,খোৰা শিয়াল ,

খকুৱা আৰু বলিয়া শিয়াল ।

বিলৰ পাৰত চিকাৰ হোৱা 

শহাপহুটোৰ মৰাশটো 

লৈ বহিছে সিহঁত ।

কোনে কিমান খাব !

এটাই কৈছে " হোৱা" ,

আন দুটাই কৈছে ," নহয় নহয় হোৱা হোৱা " ।

কোনোটোৱে  ডবিয়াই উঠিছে ,

 " কালিযে আছিল হোৱা হোৱা , আজিটো মোৰহে হোৱা "

আজিকালি প্ৰ্ৰায়েই সভা বহে  শিয়ালৰ !!